Fshirja e të dhënave

Nëse i keni shkruar një biznesi

1. Shkruani «fshini të dhënat e mia» në të njëjtën bisedë, në WhatsApp, Facebook (Messenger) ose Instagram. Kërkesa i kalon stafit të biznesit.
2. Ose dërgoni email biznesit, ose neve te hello@pluton.studio, me emrin e biznesit, kanalin (WhatsApp, Facebook (Messenger) ose Instagram) dhe emrin e profilit ose numrin e telefonit me të cilin keni shkruar.

Të dhënat fshihen brenda 30 ditëve dhe fshirja ju konfirmohet në bisedë ose me email.

Fshihen: biseda (mesazhet, fotot dhe skedarët), emri, emri i përdoruesit, ID-ja dhe numri juaj.

Mund të mbeten:

• Porositë, aq sa ligji e detyron biznesin t'i ruajë, për shembull për kontabilitet.
• Kopjet rezervë, që fshihen vetvetiu brenda 12 ditëve.
• OpenAI mund t'i mbajë pjesët e bisedës që i janë dërguar deri në 30 ditë, pastaj i fshin vetë.
• Kopjet në aplikacionet e Meta-s: bisedën në kutinë e vet të mesazheve e fshin biznesi, kurse kopjen në telefonin tuaj e fshini ju.

Nëse e keni lidhur PlutonAi me Facebook

Për administratorët e bizneseve që e lidhën PlutonAi përmes Facebook Login for Business:

1. Në Facebook hapni Settings & privacy → Settings → Apps and websites (Aplikacionet dhe faqet e internetit) ose Business integrations, zgjidhni PlutonAi dhe hiqeni.
2. Meta na dërgon vetë kërkesën për fshirje. Ne fshijmë lidhjen e llogarisë suaj në Facebook me PlutonAi (ID-në që Facebook ia jep PlutonAi-t), dhe Meta ju tregon një kod konfirmimi me lidhjen ku shihet statusi.

Lidhjet e biznesit (faqja, Instagrami, numri i WhatsApp-it) i përkasin biznesit, jo personit që i lidhi: mbeten derisa biznesi t'i shkëpusë në PlutonAi ose ta mbyllë llogarinë. Llogaria juaj në panel (emri dhe email-i) nuk vjen nga Facebook: për ta mbyllur, i shkruani pronarit të biznesit ose neve.

Mund të na shkruani edhe drejtpërdrejt te hello@pluton.studio.

Statusi i kërkesës

Pas një kërkese nga Facebook merrni një kod konfirmimi. Statusin e shihni te https://ai.pluton.studio/data-deletion/status/KODI.

Fshirja automatike

• Bisedat fshihen automatikisht 12 muaj pas mesazhit të fundit.
• Mesazhet që i anuloni në Instagram fshihen menjëherë edhe nga PlutonAi.

Më shumë: politika e privatësisë.